Өлең, жыр, ақындар

Ақын көңіл

  • 07.04.2022
  • 0
  • 0
  • 698
Жүректерді жырмен ашар кілт болып,
Жыр оқысаң — Жер қайысқан жұрт толып,
Найзағайға темекіңді тұтатып,
Нөсерлесең — көкірегіңе бұлт қонып.
Өлмес өлең өміріңнен озардай,
Қолды созсаң — күнге қолды созардай,
Жұлдыздардай Жер бетіне тамсанған,
Халқың саған қарай қалса көз алмай.
Мәңгі тірі, мәңгі мұра қалғандай,
Ғасырлардың ғасырына армандай,
Жер қойынын шырмап ұстап тамырың,
Жер бетінде жайқалсаң бір ормандай.
Тағдыр — дауыл соқса-дағы елемей,
Тасып жатса толқын жырың телегей,
Ұлы мұхит қақ жарылып-жол беріп,
Келе жатсаң алып атом кемедей..
Өміріңді ойлай біліп парқымен,
Тірлігіңді тойлай біліп салтымен,
Абай, Пушкин тіріліп кеп алдыңда,
Өлеңіңе қолды соқса халқымен.
Дүниенің айы да өзің, күні өзің,
Жапа-жалғыз жыр жазғанда бір өзің.
Көңіліңе өлең туды тәңірдей
Бір құдайға жарасардай мінезің...
Кестеленген ойын үзбей, жалған көп,
...Ақын көңіл шар тарапты шарлап боп.
Төбесіне көтерердей үй ішін,
Бір дауысқа құлақ салды барлап кеп.
Табан асты жоғалтты да жайды естен,
Адам болды көңіліне қайғы ескен,
Әйелінің дауысы екен қатқылдау:
«Кеше түнде, қайда болдың, Әй?» дескен.



Пікірлер (0)

Пікір қалдырыңыз

Дала жыры

  • 0
  • 0

Жүрегіне қуаныш тола алар ма?
Бақыт құсы халқыма қона алар ма?
Әнмен таңын бабамыз қарсы алмаса,
Ән әлдилеп, даламыз ән салмаса.

Толық

Теңіз толғауы

  • 0
  • 0

Толқынды — жағалауы құмды Аралдың,
Тағдыры — кермек ащы сырлы Аралдың,
Толқынды, тағдырында туып-өскем,
Шуылын бала кезден тыңдағанмын.

Толық

Теңселіп терек байқап тұр

  • 0
  • 0

Теңселіп терек байқап тұр,
Ойлай да білсең, ой тапқыр.
Малынып сұлу ақ қарға,
Оранып жатқан ойпат-қыр.

Толық

Қарап көріңіз

Басқа да жазбалар