Өлең, жыр, ақындар

Сағыныш

  • 08.04.2022
  • 0
  • 0
  • 975
Ақын Зейнолла Шүкіровтің достарына

Туған жер топырағы — құмға асыққан,
Арал келсе, сағынып Сырға асыққан.
Сырға келсе, Алатау шыңға асыққан,
Шүкіров Зейнолла атты, Зекең атты
Теңіздің толқынынан тұлға шыққан.
Кеудесі армандарға алып ұшқан,
Мейірімді жанарынан жалын ұшқан,
Жамандық атаулыға жаны дұшпан,
Шүкіров Зейнолла атты, Зекең атты
Жаралған жан еді бір сағыныштан.
Бір дерті болса-дағы жатар аңдып,
Табиғат дарын берген атар таң ғып.
Көрсетті тірлігінде қаһармандық!
Қаһармандық жетпеді көбімізде,
Біз соны айтуға да бата алмадық.
Төріне төрлегенді тынықтырьш,
Көңіл сұрай келгенін ұмыттырып,
Сауықшыл әнді айтатын сыр ұқтырып,
Жанында — досы өлең, жолдасы — ауру,
Аурумен сөйлесетін күліп тұрып.
Күлетін өз-өзімен жөтелгенде,
Тағдырына күнә артпай өтер пенде,
Борышы адамзаттың өтелген бе?
Кеуде еді құдіретті ескерткіштей,
Достары құшағына ап көтергенде!
Өлеңге беріп кетті тозбас жанын.
Өмірде ойламады өз бас қамын,
Мен артық бұл өлеңге сөз қоспадым,
...Бір досы да бара алмай қалды ақынға,
Ол болса мәңгі күткен өз достарын!



Пікірлер (0)

Пікір қалдырыңыз

Өмірден айналайын Өмір – Анам

  • 0
  • 0

Өмірден айналайын Өмір – Анам,
Бір түрлі неге болсын көңіл алаң.
Құдай берген тіршілік сенің арқаң,
Кездесіп жақсылармен жолыға алам.

Толық

Дала тұлпары

  • 0
  • 0

Даламның тұлпарлары жосылды ағып,
Бейне бір көкте жұлдыз қосылды ағып,
Шапқан ат бауырына тартып жерді,
Дүние дөнгеленді сосын барып.

Толық

Есік пен төр

  • 0
  • 0

— ЕСІК пен ТӨР,
Бекерге ұйқаспайды:
БЕСІК пен КӨР —
Деген едік біріміз-бірімізге,

Толық

Қарап көріңіз