Өлең, жыр, ақындар

Өмірге ғашық болмау мүмкін бе екен?

  • 08.04.2022
  • 0
  • 0
  • 1005
Өмірге ғашық болмау мүмкін бе екен?
Бүгін болмас мақсатқа бір күн жетем.
Құрсағыңда жатқан бір перзентіңдей,
Бүйіріңді жер-ана бүлкілдетем.
Мен солай келіп жетем қайта өмірге,
Тірлікте табынамын қай тәңірге?
Күндерін көңілімнің көтереді,
Кең қазақ даласы атты байтақ ірге.
Сөз — тәңірім, сөз — патша, сөз — болысым,
Айтысар тағдырымен өз жолы үшін.
Өмірге өзі тігер өз отауын,
Өмірден өзі табар өз қонысын.
Жанымда жалын-отым жанады ақыр,
Бұл жырым да жазылды...
Қара да тұр.
Байқасам менен өзге өмірі бар,
Енші алып перзент өлең бара жатыр.
Бүгін болмас мақсатқа бір күн жетем,
Бүйіріңді, жер-ана, бүлкілдетем!
Шексіз жыры! Жырланар Өлең — Өмір,
Өмірге ғашық болмау мүмкін бе екен?!



Пікірлер (0)

Пікір қалдырыңыз

Ақын қазақ

  • 0
  • 0

Туған ел, барым осы,барды аяман,
Ақынды құрметтемес қандай адам.
Дәмін тат аз күн қонақ,о, жолаушым,
Жыр — қымыз, өлең – шұбат, жал-жаядан.

Толық

Шекарашы ағаға

  • 0
  • 0

Бөліп тұрған екі қоғам, екі елін,
Сіз білесіз шекараның ңе екенін.
Сіз білесіз қатысы жоқ бейтарап
Екі араның не екенін?

Толық

Табиғат

  • 0
  • 0

Табиғат неткен қатал ең!
Жапырақ жайса бүрлерді,
Жұлқылап жұлды жел неге?
Ғұмырын қысқа гүлдердің

Толық

Қарап көріңіз