Өлең, жыр, ақындар

Адал достық жүрмейді айырбасқа

  • 21.07.2021
  • 0
  • 0
  • 895
Адал достық жүрмейді айырбасқа,
Қайта айналып келместей қайырласпа.
Өткен есте қалады, кеткен есте...
Өзім деген жандармен өкпелеспе.
Көгерсін деп адамға, көңіл берген,
Көбейсін деп адамға өмір берген!
Кеңейтпейді кеңсеңді пендешілік,
Көрсетіп қайт еңсеңді елге шығып.
Естен танып жүрмегін ел мақтаса,
Сылып таста – көзіңді шел қаптаса!
Ауру алар еркіңді, ем көрмесе,
Қуып таста – кеудеңді жел кернесе!
Кірпияздау келеді тақ та, бақ та,
Кім табылмақ қасыңнан қат-қабатта?..
Құлдығы бар жандарға құлаққағыс:
Қас пен достың арасы бір-ақ қарыс.
Кері айналса дүние дөңгелегі,
Тəңірдің де тарылар кең көлемі.
Арыз айтпас көп жұлдыз Айға шұбап,
Жарық күнге не жетсін жаймашуақ!



Пікірлер (0)

Пікір қалдырыңыз

Бастау алған бұлақтан кəусар көлiм

  • 0
  • 0

Бастау алған бұлақтан кəусар көлiм,
Тұнығыңды, шөлдесем, таусар ма едiм?
Жанарыммен үн-түнсiз жайымды айтып,
Кəусар көлге жаңбыр боп жаусам дедiм...

Толық

У-зəрді жалғыз ғана мен ішем бе?

  • 0
  • 0

У-зəрді жалғыз ғана мен ішем бе? –
Жүректің жүдеп жүрген емі сенде.
Көрмеймін дегеніңе көнемін бе,
Келмеймін дегеніңе келісем бе?

Толық

Күнәһар

  • 0
  • 0

Асылдың арзандауы мүмкін бе екен? –
Байқаймын, бүгін құлқың, күлкің бөтен.
Қасқырды көргендейін қойға шапқан
Жүрегім неге сонша жұлқынды екен?..

Толық

Қарап көріңіз