Өлең, жыр, ақындар

Менің жаным

  • 08.04.2022
  • 0
  • 0
  • 1250
Менің жаным — қарапайым өмірдей,
Менің жаным — жұмбақ әлем-көгімдей:
Жұлдыздары жатар кейде жарқырап,
Жұлдыздары жатар кейде көрінбей.
Сәл қозғалса жұмыр жерден ауардай,
Менің жаным — тұрған мұхит төгілмей.
Ауа жұтып тұрғаныңды аңдатпай,
Тынысыңмен бірге енетін мейірдей.
Менің жаным – мырза аспаным есепсіз,
Жаңбырлатып төге салған пейілдей.
Менің жаным – аппақ мамық аққудың
Ақтарылып жатқан айдың көліндей.
Менің жаным — мың бұралып майысқан,
Жел толқытқан жасыл майса, егіндей.
Менің жаным — сәл ызғарға мұңайған,
Көктемімнің жаңа бүршік көзіндей.
Менің жаным — соқпағы бар, соңы жоқ,
Туған жердің ойпаңы мен өріндей.
Менің жаным бірге туып, бірге өскен,
Айнымайтын егіз, сыңар төлімдей.
Ажыратып алар өмір бәрінде,
Әрбір үйдің табалдырық, төріндей
Менің жаным — қарапайым өмірдей!



Пікірлер (0)

Пікір қалдырыңыз

Еңсеңді көтер! Ертеңге қара! Ертеңге!

  • 0
  • 0

Еңсеңді көтер! Ертеңге қара! Ертеңге!
Ертеңсіз бүгін, Мереке күйін шертер ме!
Болашағымыз — Сұлу да, Әсем, Көркем де,
Тәтті өмір жатыр қауындай құлап өркенге!

Толық

Керуен сарай

  • 0
  • 0

Кейде ағат, кейде барлап байқағым кеп,
Кейде артық, кейде кемдеу айтамын деп.
Адаммен ара қатынас жолдарымды
Жүремін бұзып алып, қайта жөндеп.

Толық

Лондонның көпірі

  • 0
  • 0

Қандай жұмақ нұр бар ең,
Қандай жұмбақ сыр бар ең.
Лондонның көпірі –
Таңырқаған күллі әлем!

Толық

Қарап көріңіз