Өлең, жыр, ақындар

Ұлы Дала – Шөл даланың ұлымын

  • 10.04.2022
  • 0
  • 1
  • 3036
Ұлы Дала –
Шөл даланың ұлымын,
Өркеш-өркеш құмнан өрген бұрымын.
Шөліркеген Шөл даланың көсемі –
Құмдары аман болса, мен де тірімін.
Ару Дала, арман дала, Шөл дала
Бұл жалғанда махаббатым сен ғана,
Жел ызыңдап қобызындай Қорқыттың,
Құмды кешіп жолға шықтым толғана.
Ұлы Дала – Шөл даланың ұлымын,
Құмдардың да көрдім мөлдір тұнығын.
Сол бір құмда аунап өскен еркелеп,
Бала кезгі еркелердің бірімін.
Ару Дала,
Арман дала,
Шөл дала
Ақ құм – сүттей бар қазаққа болды Ана
Аңқам кеуіп шөл басылмас жалғанда,
Ақшағыл құм – бар медетім сол ғана.
Ұлы Дала –
Шөл даланың ұлымын,
Сол бір далам аман болса, тірімін.
Шөл даламды мәңгі сүйген бұл жүрек,
Сол далада алар мәңгі тынымын.
Ару Дала,
Арман дала,
Шөл дала,
Құс қанатын талдыратын кең Дала
Шөл даланың сұлулығын, сымбатын,
Бір түсінсе, түсінетін мен ғана!
Шөл даламен бірге жасар жырымын,
Шөл далада қымбат бұлақ тұнығым.
Ойға шомған терең дана құмдары Ұлы Дала –
Шөл даланың ұлымын.



Пікірлер (1)

Мадина

Тусиниксиз

Пікір қалдырыңыз

Адамның бар өмірі Күн мен Түнде

  • 0
  • 0

Адамның бар өмірі Күн мен Түнде,
Шуқа отын беретін гүл мен жерге.
Жүрек сөзін жеткізер дүниеге,
Ақын сөзін айтады Тіл мен Елге.

Толық

Екі сурет

  • 0
  • 0

Екі бірдей суретін көрсетіп:
Мынау кім? — деп,
Ақын аға сұрады;
Өмірінің екі кезін өлшетіп,

Толық

Жақсымен, жайсаңдармен жарастырған

  • 0
  • 0

Жақсымен, жайсаңдармен жарастырған
Тура жол, ал бір кейде адастырған.
Құс ұшып көгімізден, көктем келіп,
Іздерім шыға келді қар астынан.

Толық

Қарап көріңіз