Өлең, жыр, ақындар

Ұлы Дала – Шөл даланың ұлымын

  • 10.04.2022
  • 0
  • 1
  • 3831
Ұлы Дала –
Шөл даланың ұлымын,
Өркеш-өркеш құмнан өрген бұрымын.
Шөліркеген Шөл даланың көсемі –
Құмдары аман болса, мен де тірімін.
Ару Дала, арман дала, Шөл дала
Бұл жалғанда махаббатым сен ғана,
Жел ызыңдап қобызындай Қорқыттың,
Құмды кешіп жолға шықтым толғана.
Ұлы Дала – Шөл даланың ұлымын,
Құмдардың да көрдім мөлдір тұнығын.
Сол бір құмда аунап өскен еркелеп,
Бала кезгі еркелердің бірімін.
Ару Дала,
Арман дала,
Шөл дала
Ақ құм – сүттей бар қазаққа болды Ана
Аңқам кеуіп шөл басылмас жалғанда,
Ақшағыл құм – бар медетім сол ғана.
Ұлы Дала –
Шөл даланың ұлымын,
Сол бір далам аман болса, тірімін.
Шөл даламды мәңгі сүйген бұл жүрек,
Сол далада алар мәңгі тынымын.
Ару Дала,
Арман дала,
Шөл дала,
Құс қанатын талдыратын кең Дала
Шөл даланың сұлулығын, сымбатын,
Бір түсінсе, түсінетін мен ғана!
Шөл даламен бірге жасар жырымын,
Шөл далада қымбат бұлақ тұнығым.
Ойға шомған терең дана құмдары Ұлы Дала –
Шөл даланың ұлымын.



Пікірлер (1)

Мадина

Тусиниксиз

Пікір қалдырыңыз

О, жаратқан басымды ием...

  • 0
  • 0

Адамнан үстем тұрған ғасыр кием,
Жарықтық ата-бабам асыл кием.
Тәңірім, жаратыпсың қазақ етіп,
Сол үшін, О, жаратқан басымды ием!

Толық

Баласы екен Шектінің

  • 0
  • 0

Баласы екен Шектінің,
Баласы екен Тектінің,
Текті болсаң текті бол,
Болса-дағы көп мұңың,

Толық

Бақыт сені жолықтырған кезім көп

  • 0
  • 0

Бақыт сені жолықтырған кезім көп,
Қарсы алдымнан шықтың талай өзің боп.
Бақыт сені қала тұғын танымай,
Өтіп кетер, кейде менің кезім жоқ.

Толық

Қарап көріңіз