Өлең, жыр, ақындар

О, жаратқан басымды ием...

  • 31.03.2022
  • 0
  • 0
  • 1014
Адамнан үстем тұрған ғасыр кием,
Жарықтық ата-бабам асыл кием.
Тәңірім, жаратыпсың қазақ етіп,
Сол үшін, О, жаратқан басымды ием!
Тартпаймын дұшпаным мен жауымды алға,
Тағдыры өткен боран, дауылдарда.
Мен қазақ болғаныма мақтанамын
Алдымда Алатаудай тауым барда!
Сонша жер — сыймай терең жанарларға,
Тартқан ғой Тәңір бізге ғаламды алға.
Мен қазақ болғаныма разымын,
Осынау Сарыарқадай далам барда!
Туған жер — сағынышым шөлдегенде,
Көздерін алартады көлденең де.
Құдірет тәңір бізге қараспаса,
Осынша қазаққа кең жер берер ме?!
Қазақтың қасиеті тіл мен күйде,
Қазақтың құдіреті — жер мен күнде.
Халқымның жармасады балағына,
Мына бір қасиетсіз үрген кімге?!
Айтыпты көсем қазақ көрегенім,
Ит үрер, керуен көшер деген елім.
Тәңірім жаратқасын қазақ етіп,
Хақым жоқ мақтанбауға неге менің?
Келеді менің таңым атып бүгін,
Көтерген ата-бабам Уақыт жүгін.
Тәңірім, Жаратушым жар бол өзің,
Мен — қазақ болған үшін Бақыттымын!

5 қазан 1997 жыл



Пікірлер (0)

Пікір қалдырыңыз

Еңсеңді көтер! Ертеңге қара! Ертеңге!

  • 0
  • 0

Еңсеңді көтер! Ертеңге қара! Ертеңге!
Ертеңсіз бүгін, Мереке күйін шертер ме!
Болашағымыз — Сұлу да, Әсем, Көркем де,
Тәтті өмір жатыр қауындай құлап өркенге!

Толық

Шөлдеп өткен қазақпын

  • 0
  • 0

Шөл даламын,
Бостандыққа шөлдеген,
Шөл даламын,
Өксік ойлар кернеген.

Толық

Бұлақтың мөлдір суын сарқып алып

  • 0
  • 0

Бұлақтың мөлдір суын сарқып алып,
Таулардың жылғаларын тартып алып,
Өмір-ай! Бара жатсың шалқып ағып.
Шыңдарға бұлттар төсін бауырлатып,

Толық

Қарап көріңіз