Өлең, жыр, ақындар

Мінездің сан қыры бар

  • 11.04.2022
  • 0
  • 0
  • 805
Мінездің сан қыры бар,
Жасығы албыры бар,
Қанша адам бір поезда,
Соншалық тағдыры бар.
Бір-бірін танымас та,
Шыңдардың өрі таста,
Қанша адам бір поезда,
Соншалық жолы басқа.
Тартады бірі жасқа,
Ал бірі – ірі жаста,
Қанша адам бір поезда,
Соншалық түрі басқа!
Құйындай көңіл ұйтқып
Ал, бірін өмір ит қып
Поезбен келе жатыр
Қаншама өмір жүйткіп!
Жүрек пен жанды жиған,
Алуан сан бір иман,
Қанша адам бір поезда,
Соншалық тағдыр сиған!
Алдынан нұр көреді,
Ал бірі сыр көреді,
Қанша адам бір поезда,
Бір тоқтап, бір желеді.
Бірге асты іштім деңіз,
Бір мініп, түстім деңіз,
Бар өмір бір поезда,
Поездың үстіндеміз!..



Пікірлер (0)

Пікір қалдырыңыз

Жазылыпты жартасқа сонау мұнар

  • 0
  • 0

Жазылыпты жартасқа сонау мұнар:
«Осы өзендей болыңдар, жолаушылар!»
Оқыпты сан жолаушы көзін сүзіп,
Кетіпті әр жолаушы өзінше ұғып.

Толық

Сұлулыққа сөз бар ма

  • 0
  • 0

Сұлулыққа сөз бар ма,
Көретұғын көз бар ма,
Дәл осы сәт сұлусың,
Сәл тұра тұр қозғалма.

Толық

Жалғыздық...

  • 0
  • 0

Аспанда – айым, көкте күнім байқаған,
Сезді жаным теңіз толқын шайқаған.
Жалғыз жүрек сенен тауып егізін,
Қош айтысып, жалғыз еттің қайтадан.

Толық

Қарап көріңіз