Шөмішбай Сариев

Алпыстан соң – әр күніміз бағалы

Бұл бетте «Алпыстан соң – әр күніміз бағалы» атты Шөмішбай Сариев жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

13.04.2022
0
0
812

Алпыстан соң – әр күніміз бағалы,
Жүректерде бір-бір жұлдыз жанады,
Шығып алып алты асқардың шыңына,
Жанарымыз таудан төмен қарады.
Алпыстан соң – қымбат екен әр сағат,
Қайда барсаң – төрмен бізді қарсы алад.
Дариялардың ағысындай сан жылдар
Қалай өтті, қайран жүрек тамсанад!
Алпыстан соң – асыл екен әр минөт!
Тәтті болып кетеді екен жан кенет.
Достар керек қастерлейтін әр кезде,
Сені әр кез баптай-тұғын жар керек.
Кеудемізден қаншама бір күй ақты,
Төбемізден жұлдыздар да жиі ақты
Аман-есен алты асуға жеткесін,
Алпыс деген елу тоғыз сияқты!

Шөмішбай Сариев алпыстан соң – әр күніміз бағалы Шөмішбай Сариев өлеңдері

Пікірлер (0)

Пікір қалдырыңыз

Жиі қойылатын сұрақтар