Өлең, жыр, ақындар

Наурыз

  • 13.04.2022
  • 0
  • 0
  • 877
Аққулы аспан көктерден,
Құстар ұшып жеткеннен.
Келдің тағы, Наурызым,
Туған елге көктеммен.
Бесігім боп тербесең,
Құшақ жайып жер-көсем.
Келдің тағы, Наурызым,
Аман-есен Елге сен!
Дәстүр-салтты ел екем,
Тассын дәулет берекем.
Төрлет елдің Наурызы,
Той-думаным, мерекем!
Маңдайға біткен екі елі,
Дала қазақ – мекені.
Астанамнан Наурызым,
Алатауға жетеді.
Айналғандай анама,
Сіңген салтым – санама.
Алматымнан Наурызым,
Сапар шегер далама.
Қарбаласта тыныш күн,
Бөлеп алды нұр үстін.
Далам, тауым қарсы алды,
Ұлы күнін ұлыстың!
Далам менің тыңдашы,
Таудай қазақ тұлғасы.
Құтты болсын, Наурызым,
Құтты болсын Жыл басы!



Пікірлер (0)

Пікір қалдырыңыз

Мазасыз өмір – мазаңды алайын деп келдім

  • 0
  • 0

Мазасыз өмір – мазаңды алайын деп келдім,
Көгілдір көгіңе – қанатымды қағайын деп келдім.
Адамзатқа жетерлік кең дүниеден,
Құдай берген орнымды табайын деп келдім.

Толық

Букенген сарайы

  • 0
  • 0

Букенген сарайына тіл жетпейді,
Күллі әлем қасиеттеп құрметтейді.
Жанарын жаулап алып бір құдірет,
Көрген жан жүрегіне гүл көктейді

Толық

Ән

  • 0
  • 0

Өркеш-өркеш, өрелі құмдарымен,
Тіркес-тіркес, төбелі шыңдарымен,
Қасіретті қайғы-мұңға қарамай,
Ән тербеген қайран менің далам-ай!

Толық

Қарап көріңіз