Өлең, жыр, ақындар

Қарашығы қос көзінің қарасы

  • 13.04.2022
  • 0
  • 0
  • 510
Қарашығы қос көзінің қарасы,
Қошаметтеп Тауы менен даласы.
Атқа қонып, алғаш билік тиген кез,
Баласына хат жолдады Анасы:
– Қуанбассың балаң жолын тапса кім?
Қолың жетіп жаңа жақтың бақ шамын.
Балам, – деді, – бұл өмірде енді сен,
Қимас асыл қызындайсың патшаның!
Ашық сырды айтпақ болып көзіне,
Шешім таппай хат жолдады өзіне.
– Мен қалайша қызы болам патшаның? –
Ұлы Ананың келіспеді сөзіне.
Бұл бір сөзде көп аңғармас бар қатық,
Көрмеген ғой мұндай сөзді жан татып.
Сөз төркінін тереңірек шешімменен,
Айтты сонда Ана сөзін тарқатып:
Құдай қолдап бір тәңірі көтерген,
Бала өссе – бір парызың өтелген.
– Сен патшаның қызындайсың десем мен,
Бұл бір сөзім айтылмаған бекерден! –
Деп Анасы хат жолдады тағы да,
Қуанышпен баласының бағына.
– Тіл мен көзден сақтасын! – деп жүрегі,
Ана болып айтты сөзін сағына:
– Хан болғасын, хан қызына қызығар,
Жаралғасын тәттісі мен тұзынан,
Жақсылықтан кемшілікті әманда
Ел іздейді бар патшаның қызынан.
Патша – патша, Ел алдына шығады,
Терең болса бәрін ол да ұғады,
Халық деген бар қызынан патшаның
Кемшілікті көргісі кеп тұрады.



Пікірлер (0)

Пікір қалдырыңыз

Еңсеңді көтер, ей, адам!

  • 0
  • 0

Ей, Адам! Ел деп еміренсең,
Елім деп тебіренсең,
Еңкейтпес ешкім сені,
Еңкеймес сенің еңсең,

Толық

Көгершіннің басталған сәт азабы

  • 0
  • 0

Көгершіннің басталған сәт азабы,
Дәл сондағы жағдайдан соң, ғажабы.
Теңіздейін тебіренген жанымның,
Құдіреттей өзгерді күй, саз әні.

Толық

Ақ боз үй

  • 0
  • 0

Қалсам да қалада осы бағым жанып,
Жүргем жоқ базбіреудей жанын бағып.
Қиналсам жүреді ылғи түсіме еніп,
Ауылда ақ боз үйім сағымданын.

Толық

Қарап көріңіз