Өлең, жыр, ақындар

Поэзия падишасы

  • 13.04.2022
  • 0
  • 0
  • 617
Құдірет жоқ ғаламнан,
Бұл өмірдің бәрі арман,
Поэзия падишасы – лирика,
Құмнан, жерден жаралған!
Бар шуаққа бөленген,
Өрілетін – өлеңмен,
Поэзия падишасы – лирика,
Таудан, шыңнан көрем мен!
Шыңдар ғана таласқан,
Таза мөлдір –таза аспан,
Поэзия падишасы – лирика,
Жұлдыздардың арасынан адасқан.
Тәңір бар ма құпияны өзі ашқан,
Жанр бар ма лирикадан сөзі асқан,
Поэзия падишасы – лирика,
Бәйшешектей көз ашқан.
Поэзия –ұлы әдебиет анасы,
Осы болар сөздің болса данасы,
Поэзия падишасы – лирика,
Бүршік пенен жапырақтың арасы.
Бірде бұлттап жауындар,
Бірде желдеп дауылдар,
Поэзия падишасы – лирика,
Ән мен жырдай бауырмал.
Патшалығын ән мен жырдан саз құрған,
Тау кеніндей терең бойлап қаздырған,
Поэзия падишасы – лирика,
Құдіреттің өзі қолдап жаздырған!
Ажыратып көздің ақ пен қарасын,
Елестетер әрбір елдің даласын.
Поэзия падишасы – лирика,
Жалғап тұрар Аспан-Жердің арасын!
Өмір тұнған гүл әлем,
Поэзия – бұл әлем,
Поэзия падишасы – лирика,
Сол лирика мына Мен!!!



Пікірлер (0)

Пікір қалдырыңыз

Мендей сүйсе...

  • 0
  • 0

Өмірдің мен де мейман қонағымын,
Аңдайтын жолаушымын жол ағымын.
Тең тұрар төрағасы болсам деймін,
Қазақты сүйетіндер Одағының!

Толық

Өлеңсіз болған емес бір күнім

  • 0
  • 0

Өлеңсіз болған емес бір күнім,
Жатқызбайды өзі қозғап шіркінің,
Кейде өлең самал жел боп аймалап,
Кейде мені дауыл болып сілкідің.

Толық

Ел тартқан тозақ, сөз бе азабың

  • 0
  • 0

Ел тартқан тозақ, сөз бе азабың,
Мен қалай көкжиектен көз жазамын.
Тауларым биіктер ед, Дала кеңіп,
Әр қазақ мендей сүйсе, Өз Қазағын!

Толық

Қарап көріңіз