Шөмішбай Сариев

Лондон түні

Бұл бетте «Лондон түні» атты Шөмішбай Сариев жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

13.04.2022
0
0
990

Лондон түні шырайлы,
Көңілің қайда құлайды.
Сағынды ма жүрегім,
Елді ойлап мұңайды.
Лондон түні жұмақтай,
Аққан күні бұлақтай.
Көгімізден самсайды,
Жұлдыздары сұрақтай.
Ойлантады түнгі әлем,
Неге келдім мұнда мен?!
Кейде шалқып тасамын,
Батам кейде мұңға мен.
Құнарлы екен жері де,
Ұлы Британ елі де.
Лондон түні ұйқысыз,
Ұйықтатпайды мені де!
Бір үмітке жетерміз,
Көз ілмедік бекер біз,
Сырласамыз ұйқысыз
Лондонменен екеуміз!

Шөмішбай Сариев лондон түні Шөмішбай Сариев өлеңдері

Пікірлер (0)

Пікір қалдырыңыз

Жиі қойылатын сұрақтар