Өлең, жыр, ақындар

Ағыс

  • 13.04.2022
  • 0
  • 0
  • 886
Өзеннің ағысындай өмір ағыс,
Адамның шолатындай көңілі алыс.
Ұяты, көз жанары сөнбесе егер,
Билейді ар-ожданмен, тегі намыс.
Ағыспен бірге ағады лайланып,
Ирімдер тереңіне шыр айналып.
Балдыры бар сан алуан шалаңдармен,
Толқыны бірге жүзіп құлайды анық.
Мен дағы сол ағыстың үстіндемін,
Ескегі жоқ қайықтың құштым кебін.
Ағыста айналшықтап түсіндім мен,
Құдірет табиғаттан күштің кемін.
Алпауыт аласұрған ағыс қандай,
Тереңнен ойлар жүзіп табысқандай.
Ереуіл, ақжал толқын, асауы бар,
Толқындар толқындармен алысқандай.
Адамға ең қымбаты бала күні,
Ағысқа жұлдыз шашқан дала түні.
Белгісіз бұл ағыста аласұрған
Жағаға кімдер шығып қалатыны.
Белгісіз қуана ма, мұңды ма адам,
Тау түгіл, бас көтеріп тұрды далам.
Бірге жүзіп келеміз бір бақытым,
Ағыстың арқасында күллі ғалам!

20-24 қараша, 2012 жыл.
Алматы шаһары



Пікірлер (0)

Пікір қалдырыңыз

Халқыма қайта сыйлап мол мұрасын

  • 0
  • 0

Халқыма қайта сыйлап мол мұрасын,
Алатаудан сермеді өр кұлашын.
Жүзге келген Жамбыл — жыр атып тұрып,
Қолға алды күңірентіп домбырасын!

Толық

Көше бұрылысындағы кездесу

  • 0
  • 0

Бір жайды айтсам деймін сыры қысқа,
Сыры қысқа болса да, жыры нұсқа:
Қаланың көшесінде екі мәрте
Екі дос кездескен-ді бұрылыста...

Толық

Әлдилей бер, ән-өлең

  • 0
  • 0

Ән-өлең әлдиінде тербетілдім,
Арасында аспан көк, жер мен күннің.
Қасиетті киелі Қазағымды,
Еркелеп халқым-жұртым, Елден жүрмін.

Толық

Қарап көріңіз

Басқа да жазбалар