Өлең, жыр, ақындар

Испан қызы

  • 13.04.2022
  • 0
  • 0
  • 978
Испан қызы биле-биле, биле сен,
Биді сондай билер ме едің сүймесең,
Биді сондай билер ме едің өрт болып,
Махаббатты отына сен күймесең,
Испан қызы биле-биле, биле сен.
Испан қызы биле-биле,
Биле, биле, биіңмен!
Биле, биле, құдіретті биіңмен!
Сүйінгендер сені сүйіп,
Сені сүйіп сүйінген.
Күйінгендер сені сүйіп,
Сені сүйіп күйінген.
Испан қызы құйындайсың,
Құйындайсың үйірген.
Испан қыз күлкіңменен баура сен,
Жүрегімді – жүрегіңмен жаула сен,
Жердің орта теңізіндей аймалап,
Махаббатың ақ құмына ауна сен.
Жүрегімді өртей берме, өртеме,
Сені көрсе, елеңдейді ел неге,
Испан қызы биіменен баураса,
Испан қызы қылығыңмен еркеле.
Сондай әсем сүйікті едің сен неге,
Испан қызы биле-биле, еркеле!...

10 маусым 2014 жыл



Пікірлер (0)

Пікір қалдырыңыз

Қара тал

  • 0
  • 0

Жайылып жантағына нар атандар,
Жұдырық боп түйіліп алақандар,
Осынау біздер туған қара жерге,
Қасқиып қарсы өскен қара талдар!

Толық

Жеңіс күні

  • 0
  • 0

Толғатты өмір сәбиді
тоғызыншы май күні,
Жеңіс атты нәресте
көздерден сүртті қайғыны.

Толық

Қыс

  • 0
  • 0

Қалтыратып Алма ағашты мұздатып,
Қайың-терек денелерін сыздатып.
Қар жамылып жер үстінде қыс жатыр,
Төсегінен тұрар емес мұз қатып.

Толық

Қарап көріңіз