Шөмішбай Сариев

Ай, өмір-ай, өмір-ай!

Бұл бетте «Ай, өмір-ай, өмір-ай!» атты Шөмішбай Сариев жазған өмір туралы өлең берілген. Өлең мәтіні, текст, өлең жолдары және толық нұсқасын осы жерден оқуға болады.

13.04.2022
0
0
1178

Ай, Өмір!
Жеткізбейтін жүйріксін.
Өмірдегі тұлпарым,
Көгімдегі сұңқарым,
Олай-бұлай құйғыпсын.
Өмір сенің жолыңда
Бір Алланың қолында,
Тағдыр-Ажал бұйрықсың!..
Ай, Өмір!
Ұшқан биік лашынсын,
Жыр-әнімсің жыр әнім,
Қыранымсың қыраным,
Өмір шіркін асылсын.
Мөлдір бұлақ тұнғанда,
Рахат-ләззат тұрғанда,
Қайтіп жүрек басылсын!
Ай, Өмір!
Қасқағымсың қасқағым,
Жалғыз жүрек – мына мен,
Жұмбақ әлем – бұл әлем,
Шетсіз-шексіз аспаным.
Берген бақыт басқа мұң,
Аяқтамай бастадым,
Шаттық екен шашқаның.
Қайырмасы.
Ай, Өмір-ай,
Аспан-көкті өмір-ай.
Осынау жалғап жермен арасын,
Ай, Өмір-ай,
Өмір-ай!
Қарайламай барасын!
Бар бақытты осынау,
Абайламай қаласын,
Ай, Өмір-ай,
Өмір-ай!

24 наурыз 2014 жыл
Астана-Алматы сапары
4 поезд, 9 вагон.

Шөмішбай Сариев ай өмір-ай өмір-ай!.. Шөмішбай Сариев өлеңдері

Пікірлер (0)

Пікір қалдырыңыз

Жиі қойылатын сұрақтар