...ға

Қайтесің лайлап көңілді,
Өткеннің қозғап барлығын;
Онымен маған соғұрлы
Артылмас ынтызарлығың.
Ұққан соң шын сүйгеніңді
Меселіңді, әсте, қайтарман;
Мен кешкен түнек өмірдің
Бар сырын ашып айта алман.
Жөн болмас, өзің сыйлаған
Киелі бақты тепкенім,
Айтарға дәт жоқ, мен саған
Тең емен мүлде, деп, тегі;
Жүрекке қымбат сан асыл
Бұл күнде у боп көрінбек,
Қастерлер қайғы-наласын,
Жансерік, бауыр, барым деп.
Бір жылы лебіз білдірсең
Өміріңді қи деп қина сен;
Өткенді қозғап күйдірсең
Бос әуре - оны қимас ем.