Козлов даласынан көрінетін таулар сипаты – Михаил Лермонтов

(Мицкевичтен)

Пилигрим
Мына мұзды мұнараны,
Салды ма екен бір Алла?
Тақ болар ма бұлттан соққан
періштеге сыйлауға?
Дию ма әлде жарты әлемді
Үйген әкеп бұл тұсқа,
Жұлдыздарды жібермеуге
күн шығыстан батысқа?
Неткен алау бұл көрінген,
неткен нұр,
Жатыр ма екен жанып әлде
Стамбул??
Дүниеге қисапсыз мол жарықты
Төккен алла қолы ма екен әлде бұл?
Мырза
Болғам онда. Қыс отырған
асқар шыңның басында,
Шыққан демі қар қатырған
сақалыма, шашыма.
Өткір бұлаң тұмсықтары
мұзды тескен найзағай.
Бара алмаған қыран онда
кеттім бірақ мен демде.
Түк жоқ оның төбесінде,
бұлттар көшкен жағалай,
Жатты астымда әлем менің,
Жұлдыз тұрды төбемде.
Ол - Шатыртау!
Пилигрим
E-ell