Өлең, жыр, ақындар

Өсиет

  • 19.05.2022
  • 0
  • 0
  • 703
Өзіңмен жеке, бауырым,
Келеді біраз кеңескім;
Ойынша мына қауымның
Көп жасай алар емеспін!
Отырсың елге кеткелі,
Сұраса біреу... Жоқ, мені
Сұрайды дейсің қай адам,
Пенде жоқ мені аяған.
Сұраса егер бірақ та
Кім болса, мейлі, о болсын,
Кеудеге тиген бір оқтан
Тіл тартпай кетті, дегейсің.
Жаза алмай емші пәтшағар,
Отанын ойлап өлді де,
Қиды де жанын патшаға,
Сәлемін жолдап сөнді де.
Тірі ме, жоқ па ата-анам,
Білмеймін көптен оларды.
Қалады-ау қаусап қападан,
Естісе жаман хабарды.
Біреуі егер болса аман,
Дегейсің хатқа ол шабан,
Көп ойлап оны торықпа,
Кетті, де балаң жорыққа.
Көрші әйел болса - бір басқа..
Ойласам, ойбай, көп болды!..
Ол мені сұрап тұрмас та,
Айта бер бірақ өткенді,
Бүгесің одан сен несін,
Аяма қуыс кеудесін.
Байғұсың біраз жыласын..,
Әй, одан несі құрасын!



Пікірлер (0)

Пікір қалдырыңыз

Жасын

  • 0
  • 0

Күркіреп жасын, бұрқырап бұлт,
Тұңғиық теңіз сұрланды.
Сіркіреп көбік, дүркіреп ұрып,
Тебісіп толқын тұлданды.

Толық

Дұға

  • 0
  • 0

Құшатындай шапағатты таң нұрын,
Жалбарынам, жалынамын, тәңірім,
Өтінбеймін өз басымды құтқар деп,
Тапсырамын бір сорлының тағдырын.

Толық

Сүйгенім сен емессің, басқа, жаным

  • 0
  • 0

Сүйгенім сен емессің, басқа, жаным,
Мен үшін жаралмаған жақсы ажарың.
Сендегі мен сүйетін - ескі дертім,
Баяғы құрып кеткен қасқа шағым.

Толық

Қарап көріңіз