Жыламашы, көз жасыңды тый, жаным

Жыламашы, көз жасыңды тый, жаным,
Қойшы соны, босқа өзіңді қинадың.
Илан, сені ол аймалады қалжыңдап,
Шын сүймеді, бекер күйіп сыйладың.
Өзіміздің Грузияда тау елі
Аз ба сұлу жас жігіттер дәмелі?
Оттай жанған көздерін айт, көздерін,
Желпілдеген мұрттары да әдемі.
Сонау қиыр шет өлкеден, жат елден
Біздің жаққа тағдыр айдап әкелген.
Не күн көрмек, қайда бармақ сені ертіп?
Іздейтіні қан майдан мен атақ-шен.
Баурап сені ол алтынға да бөледі,
Мен өмірлік жарың болам деп еді.
Аймалады-ау аяулы бір жаныңдай,
Бірақ сені жылады екен демеді.