Өлең, жыр, ақындар

Жақындайсың бір аттап

  • 07.06.2022
  • 0
  • 0
  • 669
Қалмайды адам бұ пәниді тұрақтап,
Мәңгі өмірге жақындайды бір аттап.
Мына сөзді, тыңдап көрші, ағайын,
Бір ойымды болдым елге сынатпақ.
Бұл Әлемді Алла бізге жаратты,
Ол белгілі, сезер көзі қарақты.
Бір күн өмір сүру үшін адамға
Бір-ақ тостақ көже кейде жарапты.
Ал байыдың, шектен шыға делікші,
Ал баймын деп асып-тасып желікші.
Сіздер түгіл Пайғамбарға бір күні
Жанын сұрай Әзірейіл келіпті.
Ал алдадың, ал арбадың — байыдың,
Жоғалды ма жүректегі қайғы-мұң?
Ойлап қара "ие Алла шүкір" деп,
Өтті сенің уайымсыз қай күнің?
"Пайда, пайда, пайда" десең күніне
Иман кетер сенен мүлде түңіле.
Мыңға бірді қоссаң алдап пақырды,
Сені кім деп, дейміз сонда мұны не?
Қалмайды адам бұл пәниді тұрақтап,
Мәңгі өмірге жақындайды бір аттап.
Мұсылмандар, орның болар Жұмақта,
Алла деші, иман сөзін қуаттап.

Қарғалы. 28.07.2000.



Пікірлер (0)

Пікір қалдырыңыз

Көк алаң

  • 0
  • 0

Етеді ылғи мені алаң,
Жусанды, еркек көк алаң.
Жаймасам құшақ, жұмып көз,
Ғашықты қалай өбе алам.

Толық

Күлдіреуіш

  • 0
  • 0

Қасиетті қазақтың шаңырағы,
Сан сырыңды, құпия, таныр әлі.
Талай ғасыр сарқылмай сені жырлап,
Саз сыйлайды қазақтың қоңыр әні.

Толық

Сыр ашу

  • 0
  • 0

Өзіме емес,өзгеге емес — халқыма
Еңбек еттім, бір дем алмай, алқына.
Ұлыма емес, тілек тілеп еліме
Өмір сүрдім жүрек жара, сарқыла.

Толық

Қарап көріңіз