Ата мен ата жолы

Бұл бетте «Ата мен ата жолы» атты Сайын Назарбекұлы жазған ата туралы өлең берілген. Өлең мәтіні, текст, өлең жолдары және толық нұсқасын осы жерден оқуға болады.

  • 07.06.2022
  • 0
  • 0
  • 1022
Ата дейді, қастерлейді атыңды,
Армандады жуытпауға жат үнді.
Опат болды сені жырлап Ілияс,
Өз жолыңда талай Сәкен атылды.
Жолың сонша құрбандықты тілей ме?
Керек пе әлде жәй әншейін үрейге?
Кебек ерді буындырған Кеңгірбай,
"Ата" деген ат береміз дүлейге.
Ата дейміз жасы үлкенді, өткенді,
Үлгі етеміз осы күнгі көпке, енді.
Соның бірі қамшы салған Абайға,
Соның бірі Мағжан қанын төккен-ді.
Есте қалған, қалмағанда атам көп,
Соның бірі басын шауып Махамбет.
Талай атам ата жолын қолданған,
Құс төсекте жұмсағырақ жатам деп.
Ойлан, ұрпақ, дұрысыңнан қатең көп,
Қабылда тек ақ ниетті атам деп.
Тек ізгілік ата жолы әрқашан,
Тек ізгіні таныйықшы атам деп!


Пікірлер (0)

Пікір қалдырыңыз

Жиі қойылатын сұрақтар

Ата мен ата жолы өлеңінің авторы кім?

Сайын Назарбекұлы — осы өлеңнің авторы.

Ата мен ата жолы өлеңінің толық мәтінін қайдан оқуға болады?

Бұл бетте өлеңнің толық мәтінін және текст нұсқасын онлайн оқуға болады.

Ата мен ата жолы өлеңі не туралы?

Бұл шығарма ата туралы өлең ретінде танымал. Өлеңде автор өз ойын көркем түрде жеткізеді.

Ата мен ата жолы өлеңінен үзінді бар ма?

Бұл бетте өлеңнің толық мәтіні, шумақтары және өлең жолдары ұсынылған.

Осы автордың басқа өлеңдері