Өлең, жыр, ақындар

Бір ән қалса

  • 07.06.2022
  • 0
  • 0
  • 380
Жас шақта сескенбейсің дар ағаштан
Асаусың бұғалығын ала қашқан.
Көкірек әлі сазды, күйге толы,
Бір сарын орнап қалған бала жастан.
Емі ғой қам көңілдің бұл ән деген,
Қабағым ашылады жыр, әнменен.
Жазылса шіркін бір жыр, ел айтарлық,
Шарықтап кетер еді-ау, қыран денең.
Уақыт мен қайтейін сөгіп сені,
Тәңірім қуармасты егіп пе еді.
Жігіттер жастық шақты бағалай біл,
Тасыған сүттей таусар, төгіп сені.
Сұлудың сұрқы кетер наз кеткенде,
Айдында ажар қалмас қаз кеткенде.
Дариға-ай еш арманым болмас еді,
Бір көпір салып кетсем сазды өткелге.
Сері бар сұлу сүйіп, жар таңдайтын,
Жігіт бар мансап тауып, талтаңдайтын.
Дариға-ай еш арманым болмас еді,
Артымда бір он қалса қартаймайтын.

Астана. 30.05.2002.



Пікірлер (0)

Пікір қалдырыңыз

Адалдық, ұят – егіз үн

  • 0
  • 0

Адалдық, ұят – лебiзiм,
Құрайтын адам негiзiн.
Бiреуiн өгей ұстасаң,
Сыңары iздер егiзiн.

Толық

Жақындайсың бір аттап

  • 0
  • 0

Қалмайды адам бұ пәниді тұрақтап,
Мәңгі өмірге жақындайды бір аттап.
Мына сөзді, тыңдап көрші, ағайын,
Бір ойымды болдым елге сынатпақ.

Толық

Әлі өтеген жоқ едім қарызымды

  • 0
  • 0

Ұрандатсақ жас кезде – маздайықшы,
Көңiл қайтқан мiне ендi, жаз тайыпты.
Жалыны жоқ, жүректе шоғы қалған,
Көкiректе қоздайды саз байыпты

Толық

Қарап көріңіз