Бәйтерек – Темірхан Медетбек

Бұл бетте «Бәйтерек» атты Темірхан Медетбек жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

  • 07.06.2022
  • 0
  • 0
  • 2339
Аспан құлап,
түссiн мейлi жай кенет,
былқ етпейдi желге қарсы бой демеп,
табиғаттың палуаны апай төс
алып дене, ауыр салмақ Бәйтерек.
Қарау үшiн айналаға жақсылап,
әлденесiн жоғалтқан бiр жоқшыдай,
тұрады ылғи шайқап ауыр денесiн
бiр төбенi табанының астына ап.
Бұл аймақта ол көрмеген бар ма адам?!
Бұрылмастан кете алмайды жол да оған.
Бұл өлкеде жоқ та шығар бiр құс та
бұтағында ән салмаған, қонбаған.
Қара жердi сiлкемiн деп тулақтай
күзгi желдер соқса өлкенi шулатқан,—
жапырағын ұшырады Бәйтерек
қара жалын сияқты бiр будақтап!
Есiтсе егер қауiп жайлы сыбысты
сол бiр сәтте тұра алмастан тыныс қып
арыс кеуде Бәйтеректiң денесiн
күрес тiлеп шайқалтады Тыныштық.


Пікірлер (0)

Пікір қалдырыңыз

Жиі қойылатын сұрақтар

Бәйтерек өлеңінің авторы кім?

Темірхан Медетбек — осы өлеңнің авторы.

Бәйтерек өлеңінің толық мәтінін қайдан оқуға болады?

Бұл бетте өлеңнің толық мәтінін және текст нұсқасын онлайн оқуға болады.

Бәйтерек өлеңі не туралы?

Бұл өлеңде Темірхан Медетбек өз ойы мен сезімін көркем түрде жеткізеді.

Бәйтерек өлеңінен үзінді бар ма?

Бұл бетте өлеңнің толық мәтіні, шумақтары және өлең жолдары ұсынылған.

Осы автордың басқа өлеңдері