Өлең, жыр, ақындар

Аққу деген бiздер үшiн киелi

  • 07.06.2022
  • 0
  • 0
  • 492
Аққу деген бiздер үшiн киелi,
аққуды атсаң сол оқ маған тиедi.
Аққуға сен жаға көрме күйенi,
аққу деген бiздер үшiн киелi.
Суды сызып қос қанаты етегi,
аққу құсым тап алдыңнан өтедi.
Өтiнемiн, тие көрме аққуға
киесi ұрып,
жазым қылып кетедi.
Күзге қарай тастап зерең көлдерiн,
кең даласын –
жоталарын,
белдерiн
аспанымда айтып бара жатады
аққу бiткен Ақан серi әндерiн.
Айтып сырын көл, өзен мен жапанға
кеткен олар қиыр алыс сапарға.
Ақан серi ғашық болған аққуға,
аққу бiткен ғашық болған Ақанға.
Махаббаттың көре-көре азабын,
Ақан-серiм болыпты ғой азалы, –
аққуларым ғашық содан қазаққа,
аққуларға ғашық содан қазағым.
Бұл ғұмырда мың өртенiп, жаныппыз,
жаныппыз да,
мәңгi өлмес боп қалыппыз.
Киелi құс әнiн айтқан халықпыз.
киелi құс ғашық болған халықпыз!



Пікірлер (0)

Пікір қалдырыңыз

Мыстан кемпір

  • 0
  • 0

Алтын сақамды алам деп
«Отырса тұра алмайтын,
Тұрса отыра алмайтын»
Мыстан кемпiрмен алыстым.

Толық

Бүгінгі экологиялық баллада

  • 0
  • 0

Қора менен сарайға
тыным бермей күн-түнi
өрiп кеттi тоғайда
шиебөрi бiр жылы.

Толық

Ақын

  • 0
  • 0

Өн бойында долы әуен мен нәзiк жыр,
қайрап алмақ болып ендi өзiн бiр
шабытты ақын шағын ғана бөлмесiн
әрi-берi кезiп жүр.

Толық

Қарап көріңіз