Өлең, жыр, ақындар

Түскендей бейне жарысқа

  • 07.06.2022
  • 0
  • 0
  • 635
Түскендей бейне жарысқа,
тұрғандай алдан сый күтiп,
келемiз бiздер алысқа,
асфальт жолмен құйғытып.
Шiлде айы.
Ыстық...
Бiрақ та
аптапқа үнсiз көнемiз,
барады ол бiздi шыдатпай, –
қаталап, шөлдеп келемiз.
Бағандар бiткен шұбырар,
осынау шексiз далада.
Келемiз ұшып зымырап,
шөлге бiз бiрақ қарамай.
Жатады жапан жаңғырып,
елемей күндi қайнаған,
жылдамдықтардан жан кiрiп,
зымырап, зулар айнала.
Ап қашар қазан тасты да,
таспа жол су боп аққандай –
машинамыздың астына
құйылып кiрiп жатқандай.
Қараймыз келiп осыған,
қаңсытар шөл де дененi...
Көкпеңбек жолды
машина
сiмiрiп жұтып келедi...



Пікірлер (0)

Пікір қалдырыңыз

Алатау батырдың тұтқыннан қашып шығуы

  • 0
  • 0

Алатау батыр
Шағын қолмен
Келе жатып –
Қапыда! –

Толық

Сен оны сезесің бе?

  • 0
  • 0

Елестей ербеңдеген
Әне бір жүргендер
Жанымды
Аязды күндей

Толық

Маған ендi не дейсiң?!

  • 0
  • 0

Жерге қолымды салсам
Байлық ұстадым.
Көкке қолымды созсам
Айды ұстадым.

Толық

Қарап көріңіз