Темірхан Медетбек

Ымырт түстi

Бұл бетте «Ымырт түстi» атты Темірхан Медетбек жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

07.06.2022
0
0
716

Ымырт түстi,
жан-жағыма қарадым –
тау, өзен мен қыратты өлке, алабым,
танаптардың мая-мая сабаны...
менен бәрi бiрте-бiрте алыстап,
қараңғыға сiңiп кетiп барады.
Қайтайыншы дегендей-ақ аралап,
ағаштар да кетiп бара жатады.
өзен бойын жағалап.
Жапырақтардың сыңғыры –
жүрiп бара жатқан аяқ сыбдыры.
Түн өтедi.
Таң бозарып атады, –
сыпырылып түннiң қара шапаны,
маған бәрi бiрте-бiрте жақындап.
қараңғыдан шығып келе жатады.
Мен көрмеген өлкелердi аралап,
ағаштар да қайтып келе жатады,
өзен бойын жағалап.

Темірхан Медетбек ымырт түстi Темірхан Медетбек өлеңдері

Пікірлер (0)

Пікір қалдырыңыз

Жиі қойылатын сұрақтар