Қалай да ендi жан салып

Қалай да ендi жан салып
жол берместен жаулыққа
сақтау керек Жер шарын
амандықта,
саулықта.
Мекенi боп ерлiктiң
тұрған оны айналып, –
кетпесiн деп шашылып,
бойлық пенен ендiктiң
жiптерiмен байладық.
Жердiң тiрлiк,
мұңымен
бәрiмiз де жақынбыз.
...Бiр ел менен бiр елдi
телеграф сымымен
жалғастырып жатырмыз.
Созылған түу ұзаққа
шектер құсап дiрiлдеп, –
қос рельс құшақта
Жер шарым тұр бүгiнде!
Келер күнге жол сiлтеп,
әйтеуiр бiз құлшынып,
рельс сап,
сым тарттық
берiгiрек болсын деп
жер үстiнде тiршiлiк.
Сан ұрпақтар келесi
кетпесiн деп жiктелiп,
Жер шарының денесiн
шаңдып орап тастаған
тiршiлiктiң жiптерi,
тыныштықтың жiптерi.
Қорға оларды жан салып,
қырағылығыңды ұштап бiр
Аман-есен Жер шарын
кеңiстiктiң iшiнде
сол бiр жiптер ұстап тұр!

---