Өлең, жыр, ақындар

Жүр едiм мен тыныстап

  • 07.06.2022
  • 0
  • 0
  • 407
Жүр едiм мен тыныстап
iштен өлең құраған...
Қараңғы бiр бұрыштан
әйел көрдiм жылаған.
Қалдым кенет тұншығып,
өштi ой да, өлең де.
Кеттi өзгерiп тiршiлiк,
кеттi өзгерiп әлем де.
Менен жырды аластап
мұң шарпыды бетiмдi...
Жел шайқаған ағаштар
өксiп тұрған секiлдi.
Суық тартып түнiм де,
дүниеге кiрдi ызғар.
Жас сияқты дiрiлдеп
мөлтеңдейдi жұлдыздар.
Кеттi-ау деймiн шыдамай
сол әйелдiң мұңына –
сыңсып тұрды жылаған
телеграф сымы да.
Оныменен жарысып
жүйке, жанды қозғаған
сиренаның дауысы
шықты кенет боздаған!...
...Соғып тағдыр бораны
ақ тiлегi сынғандай
жыласа әйел,
болады
әлем жылап тұрғандай!



Пікірлер (0)

Пікір қалдырыңыз

Соңғы сөз алдындағы соңғы сөз

  • 0
  • 0

Майы таусылған шамдай боп
Сөнiп барамын.
Иесiз қалған тамдай боп
Шөгiп барамын.

Толық

Өкінішті тілек

  • 0
  • 0

Бәрi, бәрi өзгердi,
Суық басты дененi.
Ести, ести сөздердi
Керең болғым келедi.

Толық

Ескерту

  • 0
  • 0

Сенің соншама
Менің алдымда
Шегірткенің
Кәрі айғырындай

Толық

Қарап көріңіз