Өлең, жыр, ақындар

Суық дүние

  • 08.06.2022
  • 0
  • 0
  • 648
Сұп-суықсың,
дүние,
ызғарлысың!
қатулысың,
қатыгез,
ызбарлысың!
Сұп-суықсың.
дүние,
сұп-суықсың! –
борасынды,
аязды,
мұз-қарлысың!
Көңiл нала күздегi атыраптай.
Жан-жүректi дүние қалтыратты-ай.
Арман солды –
суықтан – гүл сияқты.
Үмiт ұшты –
суықтан – жапырақтай.
Безiп кеттi өлеңiм –
боз iнгенiм.
(Кеше ғана басқаша сезiмде едiм).
Үзiп кеттi санамнан асыл ойды,
үсiп кеттi жемiстей сөзiм менiң.
Сұп-суықсың,
дүние, бұл шағыңда,
Әйтпесе мен батпас ем мұнша мұңға.
Ызғарыңнан,
дүние,
бiздер түгiл
Қалтырайды нәресте құрсағында!
Суығың-ай,
дүние,
суығың-ай!
Қона алмастан жүрмiн ғой тұғырыма-ай!
Суығың-ай,
дүние,
суығың-ай!
Сықырлап тұр дәл қазiр уығым-ай!
Тоңдым қанша,
қалтырап дiрiлдедiм,
Бiрақ сенен жоқ әлi түңiлгенiм.
Суый бермей,
дүние,
суый бермей,
Өртеп менi, отыма жылын менiң!



Пікірлер (0)

Пікір қалдырыңыз

Зорға iлiнiп тұр аспанда жұлдыздар

  • 0
  • 0

Зорға iлiнiп тұр аспанда жұлдыздар.
Өткiрленiп бара жатыр түнгi ызғар.
Үзiлiп-ақ кетердей боп дiрiлдеп
зорға iлiнiп тұр аспанда жұлдыздар.

Толық

Желді күнгі орман

  • 0
  • 0

Орман iшi – гуiлдеген! –
Сарынға толып кеттi.
Уiлдеген!
Ағынға толып кеттi.

Толық

Уланғанмын!

  • 0
  • 0

Уланғанмын!
Полигоннан уланғанмын!
Тар ұғымнан уланғанмын!
Өтіріктен уланғанмын!

Толық

Қарап көріңіз