Өлең, жыр, ақындар

Қораз таластыру

  • 10.06.2022
  • 0
  • 0
  • 355
Бұл жекпе-жек тоқтамас
Тұрсаң да сен жат көрiп...
Бiрiн бiрi қос қораз
Жiберердей қақ бөлiп.
Мойындары иiлiп,
Құйрықтары бүгiлiп, –
Алған олар түйiлiп,
Кеткендей-ақ түңiлiп...
Қарай алсаң,
Қарап қал! –
Көкке айналып кеткен бе?..
Лап етедi қанаттар
Бiрiн-бiрi тепкенде.
Дүрлiгедi алқа да
Ақыл-ойдан адасып.
Жатқан-сынды
Ортада
Қызыл өрттер таласып.
Көрiнедi жан көзге
Сартылдайды тұмсықтар, –
Кетедi ғой сол кезде
Қос айдардан ыршып қан.
Лапылдайды от құсап!
Майдан қайнап, қызады, –
Қып-қызыл бiр шоқ құсап
Қауырсындар ұшады.
Өш пен кектi ұққызып
Ұмтылады жан жалдап...
Төгiледi қып-қызыл
Тұла бойдан қан саулап.
Ессiз, мәнсiз қыжылдан
Жұрт шулайды қызынған.
Қораздар да қызыл қан,
Қара жер де қызыл қан...
Ұмытып бар өзгенi,
Тұрған мынау анталап, –
Адамдардың көздерi
Бара жатыр қанталап!..



Пікірлер (0)

Пікір қалдырыңыз

Саф Самалдар, басқамен

  • 0
  • 0

Саф Самалдар, басқамен
кезiктiң бе,
жабырқаттың әйтеуiр кешiктiң де,—
дәл осындай кездерде тереземнен

Толық

Шықпастан қалған үндердi

  • 0
  • 0

Шықпастан қалған үндердi
жүректi мәңгi мекендеп,
аспанға құлақ түргем-дi
аққулар айтар ма екен деп?!

Толық

Жүректей жалаңаш көк төсте

  • 0
  • 0

Жүректей жалаңаш көк төсте
шыңдалып,
шындықпен беттескен,
тұр мынау өмiрге

Толық

Қарап көріңіз