Өлең, жыр, ақындар

Ей, адамдар!

  • admin
  • 08.01.2024
  • 0
  • 0
  • 739
Ей, адамдар, зәбір берме жандыға,
Ая, ая, аңыратпа аңды да.
Бір Алладан мейірім, тоқтам сұрайық,
Жүрген жері, екі қолы қандыға.
Адам түгіл, аң-құстың бар киесі,
Мына жалған бәріне тең тиесі.
Жетім қалған марал лағын көргенде,
Қандай жанның босамайды жүйесі.
Атпа, атпа Аққу түгіл қарғаны,
Жазықсыздың тимей кетпес зардабы.
Мергендер жоқ шайналмаған бармағы,
Қара мерген құлан атып киелі,
Су қараңғы соқыр болып зарлады.
Сезім болса адамға тән бойыңда,
Мылтық түгіл қол созбағын сойылға.
Шыбын жаннан алтын тағым садаға,
Деген Патша сөзі жүрсін ойыңда.



Пікірлер (0)

Пікір қалдырыңыз

Жандарыңды жайсаңдар бір жаздырып

  • 0
  • 0

Жандарыңды жайсаңдар бір жаздырып,
Бар-жоғыммен кетейін риза қылып.
Мені өмір басында жаратыпты,
Жоқтан бар қып, жомарт қып, мырза қылып.

Толық

Туған күнім аталмады

  • 0
  • 0

Ешқашан туған күнім аталмады,
Дәм-тұзды досым келіп тата алмады.
Болмады бірде үйім, бірде күйім,
Жандай-ақ жалғыз қалған жапандағы.

Толық

Қалқайып есегінің құлақтары

  • 0
  • 0

Қалқайып есегінің құлақтары,
Бұл қарттар жібермейді құр аптаны.
Бір тобы құтты болсын айтып жүрсе,
Бір тобы асқа аттанар жырақтағы.

Толық

Қарап көріңіз