Ана құдіреті – Темірхан Медетбек

Бұл бетте «Ана құдіреті» атты Темірхан Медетбек жазған ана туралы өлең берілген. Өлең мәтіні, текст, өлең жолдары және толық нұсқасын осы жерден оқуға болады.

  • 12.06.2022
  • 0
  • 0
  • 1014
Бүгiнiме жеткен өтiп кешеден, –
(Ол бар кезде еңсе тiктеп өседi ел!)
Келе жатты айдай толған бiр Ана
Жалғыз өзi қызылiңiр көшемен.
Жүрек-байғұс ысиды ма, тоңа ма?.. –
(Осындай бiр жұмбақ сәт те болады ә!)
Айналасын бозғылт мұнар көмкерген
Қалқып басып келе жатты сол Ана.
Келе жатты Ана деген Ұлы Адам.
Шам сияқты құйылады нұр одан.
Ол қасынан өткен кезде
Бұрышта
Есiн жиды жылап тұрған бiр адам.
Жеткiзе алмас ол суреттi абызың.
Айту оны бiрақ сенiң парызың, –
Ол жақындап келген кезде
Селт етiп
Ашып алды гүлдер бiткен қауызын.
Жүрген жан ем өшiп талай, сан жанып
Тұрмын, мiне, таң қалып та, дағдарып:
Сипады Ана қолыменен бiр тасты,
Шөптер өстi сол тасыңды қақ жарып.
Жақындаса ол – жолын тапты адасқан.
Жақындаса ол – кiлт тоқтады таластар.
Сол бiр Ана өткен кезде қасынан
Бойын жазды ауру, дiмкәс ағаштар.
Көрiп оны тебiрендiм, толғандым!
Ол жақындап келген кезде –
Таң қалдым! –
Жер астынан өсiп шықты шуылдап
Аппақ күмiс шыбықтары фонтанның!


Пікірлер (0)

Пікір қалдырыңыз

Жиі қойылатын сұрақтар

Ана құдіреті өлеңінің авторы кім?

Темірхан Медетбек — осы өлеңнің авторы.

Ана құдіреті өлеңінің толық мәтінін қайдан оқуға болады?

Бұл бетте өлеңнің толық мәтінін және текст нұсқасын онлайн оқуға болады.

Ана құдіреті өлеңі не туралы?

Бұл шығарма ана туралы өлең ретінде танымал. Өлеңде автор өз ойын көркем түрде жеткізеді.

Ана құдіреті өлеңінен үзінді бар ма?

Бұл бетте өлеңнің толық мәтіні, шумақтары және өлең жолдары ұсынылған.

Осы автордың басқа өлеңдері