Темірхан Медетбек

Көктем кеші

Бұл бетте «Көктем кеші» атты Темірхан Медетбек жазған табиғат туралы өлең берілген. Өлең мәтіні, текст, өлең жолдары және толық нұсқасын осы жерден оқуға болады.

12.06.2022
0
0
935

Көкiректен, Өлең, саулап құйылшы!
Тәубә! Тәуба!
Қызықты осы бұйыршы.
Нұрын шашып,
Гүлiн шашып түстiктен
Көктем көшiп келе жатыр –
Сүйiншi!
Келе жатыр бiр жыл салып араға
Жаңғырып тұр жан-жүрек те, сана да!
Көктем көшiп келе жатыр қалаға,
Көктем көшiп келе жатыр далаға.
Көңiл-шiркiн құс боп көкке ұшады.
Ұмытпастан мұң мен қайғы құсаны.
Күмбiр-күмбiр үнге толы кеудесi,
Қызыл, сары гүлге толы құшағы.
Жеттiм бе деп бiреулер жүр «тобалап»
Қозы, қойын бiреулер жүр қоралап...
Аспан асты салдыр-гүлдiр
Бейне бiр
Кеткен-сынды бос күбiлер домалап.
Бұрқырайды буы шығып бөктердiң.
Сол бөктерге гүлдер төгiп кеткен кiм?!
Аспандағы ауыр қара бұлттар
Жүктерi мен теңдерiндей көктемнiң.

Темірхан Медетбек көктем кеші Темірхан Медетбек өлеңдері

Пікірлер (0)

Пікір қалдырыңыз

Жиі қойылатын сұрақтар