Өлең, жыр, ақындар

...өйткені

  • 12.06.2022
  • 0
  • 0
  • 712
Ол жүр десе,
Жүргiмiз
Келмесе де жүремiз.
О күл десе,
Күлкiмiз
Келмесе де күлемiз, –
Ақшасы көп қой өйткенi.
Жанымызға батса да
Үндеместен мүлгимiз.
Ақымақ сөз айтса да
Басымызды шұлғимыз –
Ақшасы көп қой өйткенi.
Ой айтпаған әлi бiр,
Кiм екенiн бiлемiз.
Сондадағы бәрi бiр
Жетегiнде жүремiз, –
Ақшасы көп қой өйткенi.
Ол келсе егер «айдай» боп
Қуанышқа батамыз.
Құшақтаса,
Майдай боп
Ерiп бара жатамыз, –
Ақшасы көп қой өйткенi.
Сездiрмеймiз сықырын
Теңселсе де өремiз...
Төбемiзге
Тұқылын
Сөндiрсе де көнемiз, –
Ақшасы көп қой өйткенi.



Пікірлер (0)

Пікір қалдырыңыз

Лас адам

  • 0
  • 0

Аузының ласын-ай!
Лас сөздерiне үндемей
Көпшiлiктiң шыдасын-ай!
Айнала мүңкiп кеттi.

Толық

Шөлдесем мен қарындас пен бауырға

  • 0
  • 0

Шөлдесем мен қарындас пен бауырға,
шөлдесем мен найзағайлы жауынға,
тартып кетем қара жолға түсiп ап
Табиғат деп аталатын ауылға.

Толық

Жұғымды адам

  • 0
  • 0

Жұғымды адам, балдай тәттi жұғымды.
Тұла бойы түсiнiктi, ұғымды.
Сырлас жандай – ашпасаң да сырыңды.
Мұңдас жандай – айтпасаң да мұңыңды.

Толық

Қарап көріңіз