Темірхан Медетбек

Мұңға батамын

Бұл бетте «Мұңға батамын» атты Темірхан Медетбек жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

17.06.2022
0
0
894

Неткен қатал ең, Адамдар?!
Өздерiңе деген
Көлдей көңiлiмдi
Судай суалтып
Құм қылып жiбересiң.
Отқа жағатын секiлдi
Қабырғаларымды
Ағаштың
бұтақтарындай бұтарлап
Сындырып жiбересiң.
Өзiңнен өзiң тұлданып
Шалаңды шашып,
От күреп жатасың.
Менде өшiң кеткендей
Ауызы буылған қапқа тығып
Тепкiлеп жатасың.
Жығылсам –
Мәз болып қарап тұрасың.
Атып жiберердей
Өңмеңiме
Сұқ саусағыңды –
Пистолет сияқты! –
Қадап тұрасың.
Құрған торыңа шырматылып
Арпалысып жатамын.
Мұңға батамын...
Не iстесең, ол iсте!
Тек әйтеуiр
Өзiмдi өзiм
Құртып алмасам болды.
Көрер көзiмдi
Ағызып жiбермей,
Сөйлер тiлiмдi
Қырқып алмасаң болды.

Темірхан Медетбек мұңға батамын Темірхан Медетбек өлеңдері

Пікірлер (0)

Пікір қалдырыңыз

Жиі қойылатын сұрақтар