Өлең жазып отырмын

Бұл бетте «Өлең жазып отырмын» атты Темірхан Медетбек жазған поэзия туралы өлең берілген. Өлең мәтіні, текст, өлең жолдары және толық нұсқасын осы жерден оқуға болады.

  • 20.06.2022
  • 0
  • 0
  • 713
Өлең жазып отырмын.
Қаламымды
Көкпеңбек көлдерге
Малып алып
Жазып отырмын.
Тамшы-әрiптердi –
Аспаннан!
Қағып алып
Жазып отырмын.
Сызып тастаған жолдарым
Темiрмен бастырып тастаған
Шөптер секiлдi.
Басқа бiр жолдарым
Сымдарға қонған
Кептер секiлдi.
Арасына кiрiп кеткен
Жылусыз сөздердi.
Ұғымсыз сөздердi
Бұлттардан
Бiр шымщым үзiп ап
Өшiрiп тастаймын.
Қағаздың бетiнен қуалап
Көшiрiп тастаймын.
Бiр сөздерiмнiң
Қызуы көтерiлiп
Жанып бара жатады.
Көз алдымда
Талып бара жатады.
Сол кезде – Алатаудан! –
Бiр уыс қар алып
Маңдайына басам.
Бұлағының суын
Таңдайына тосам.
Бiр сөздерiм
Ауаға толып
Iсiп-кебедi.
(Жiбiнен қырқып жiберсем
Өздерi-ақ
Ұшып кетедi).
Бiр сөздерiм
Өшiп жатады.
Бiр сөздерiм
Өсiп жатады.
Бiреулерi қан болып
Ағып жатады.
Бiреулерi шам болып
Жанып жатады.
Долданам!
Толғанам!
Сонан кейiн мен –
Астына –
Темiрхан Медетбек деп
Найзағайлармен шиырып
Қол қоям.


Пікірлер (0)

Пікір қалдырыңыз

Жиі қойылатын сұрақтар

Өлең жазып отырмын өлеңінің авторы кім?

Темірхан Медетбек — осы өлеңнің авторы.

Өлең жазып отырмын өлеңінің толық мәтінін қайдан оқуға болады?

Бұл бетте өлеңнің толық мәтінін және текст нұсқасын онлайн оқуға болады.

Өлең жазып отырмын өлеңі не туралы?

Бұл шығарма поэзия туралы өлең ретінде танымал. Өлеңде автор өз ойын көркем түрде жеткізеді.

Өлең жазып отырмын өлеңінен үзінді бар ма?

Бұл бетте өлеңнің толық мәтіні, шумақтары және өлең жолдары ұсынылған.

Осы автордың басқа өлеңдері