Дос табу – Сагатова Нурай Бакытовна

Дос табу оңай ма, әлде қиын ба екен?
Білмеймін, түсінбеймін, сыры бөтен.
Достықты ұға алмайтын жандар үшін,
Жалғыздықпен дос болу тиімді екен.

Біреулер іздейді дос, таба алмайды
Енді біреу құтылуды армандайды.
Біреулер бар достарын бағалайтын,
Оларды жоғалтуды қаламайтын.

Дос дегенің- баға жетпес асыл жан,
Қиын күнде табылатын қасыңнан.
Жия жүріп жақсылықты асырған,
Іште сақтап, жаманыңды жасырған.

Доссыз өмір өтіп кетер құр, мәнсіз
Жан-сырыңды бөлісетін күмәнсіз,
Сенім артар нағыз досты іздейік
Дос болған соң болмау керек тұрақсыз!