Темірхан Медетбек

Бақыт құсы

Бұл бетте «Бақыт құсы» атты Темірхан Медетбек жазған бақыт туралы өлең берілген. Өлең мәтіні, текст, өлең жолдары және толық нұсқасын осы жерден оқуға болады.

24.06.2022
0
0
666

Бiз осы
Төбемiзде айналып ұшқан
Бакыт құсымызды
Қондырмай жүрген жоқпыз ба?!
Сонымызбен —
Өзiмiздi-өзiмiз
Оңдырмай жүрген жоқпыз ба?!
Мұнымыз қалай?
Әлде бiз – адасып! –
Басқа бiр нәрсенi
Пiр тұтып қалдық па?!
Өзiмiздiң тасырлығымызбен,
Өзiмiздiн басырлығымызбен
Бақыт құсымызды
Үркiтiп алдық па?!
Алла тағала
Осымызға зауал жiберiп
Жанымызды құрсаулап
Қысып кетсе қайтемiз?!
Бакыт құсымыз — бiздердi! —
Канатымен сабап,
Тұмсығымен шоқып,
Аяғымен теуiп,
Басымызға бiр саңғып –
Кайырылмастан! —
Ұшып кетсе кайтемiз?!

Темірхан Медетбек бақыт құсы Темірхан Медетбек өлеңдері

Пікірлер (0)

Пікір қалдырыңыз

Жиі қойылатын сұрақтар