Опасыз жанға

Мен сенi өзгелерден
Тосын дейтiн едiм.
Асыл дейтiн едiм.
Сөйтсем,
Түк те емес екенсiң ғой;
Не үтiр,
Не нүкте емес екенсiң ғой.
Қабатын
Ит те емес екенсiң;
Қаныма қанатын
Бит те емес екенсiң.
Бiзге кекiрейгенмен
Өзгелерге үнiң шықпайтын
Ынжық екенсiң ғой;
Қоқысқа
Кететiн
Жүн-жұрқа мен
Қылшық екенсiң ғой.
Бiр кезде саған сенгенiмiзге
Сенгiм келмейдi.
Тәйт, пәлекет! –
Бетiңдi көргiм келмейдi.
Бетiңе қарасам
Өзiмдi жерге
Тiрiдей көметiндеймiн, –
Өйткенi бетiңдi емес
Кәрi сиырдың
Сатал-сатал
Сарпайын көретiндеймiн.

---