Өлең, жыр, ақындар

Түңілгенде

  • 25.06.2022
  • 0
  • 0
  • 410
Жер шарын
Құшақтай алатын
Алып құшағым
Тарының қауызындай боп
Тарылды.
Дүние ісініп қабынды.
Бүкіл үмітім
Суға батқандай.
Әлемтапырық
Дауыс шығады:
Біреуді біреу
Бауыздап жатқандай.
Қасіреттерім
Абайдың өлеңіндей.
Мен үшін
Дәл қазір
Қалың орманың
Түнектің әлеміндей.
Ең сұлу сарайларың
Жын-шайтан ұрасындай.
Бүкіл дарияларың
Өткел бермейтін
От дариясындай.
Басқаны айтпағанда —
Санамның өзі —
Қасірет санасындай.
Көшедегі
Ағаштардың өзі —
Мені күтіп тұрған—
Дар ағашындай!


Пікірлер (0)

Пікір қалдырыңыз

Көктайғақ

  • 0
  • 0

Жердің үсті
Шыны қаптағандай
Көкпеңбек.
Аяз қысып тұрса да —

Толық

Өзегiмдi өртеп егер алсам да

  • 0
  • 0

Өзегiмдi өртеп егер алсам да,
айтарымды айта алмастан қалсам да,
көтерем де телефонның тұтқасын
Алматымен сөйлесемiн мен сонда.

Толық

Тымауратқан Алматы

  • 0
  • 0

Әлемнiң басқа қалаларынан
Тұмау жұқтырып алған Алматы
Күрк-күрк жөтеледi.
(Менiң ойымша:

Толық