Өлең, жыр, ақындар

Тіршілік не боп барады?

  • 25.06.2022
  • 0
  • 0
  • 380
Кереметпіз деп
Аузымызды айға білесек те,
Өмірдің иманды болмысы
Алға жүрмеді,
Алға баспады...
Қансонарда екі аңшы
“Менің оғым тиді” деп,
« Жоқ, менің оғым тиді” деп
Сұлап жатқан қоянға таласып
Бірін- бірі атып тастады...
Сұмдықтар
Жайлады не түрлі:
Бір жерде
Анасы баласынан безіп,
Бір жерде
Баласы әкесін өлтірді...
Бүгінде арманың солып,
Үмітің сөніп тұр...
...Әне бір полицей
Аязда қатып қалған
Бомжының қалтасынан
Шылым алып шегіп тұр...
Өзенің суалып,
Өзегің күтірлеп сынуда...
...Айдаладағы екі әйел
“Бұл–
Менің сиырымның жапасы” ,
“Жоқ,бұл –
Менің сиырымның жапасы” деп
Кеуіп қалған тезекке таласып
Бір- бірінің шашын жұлуда!..
Тіршілік не боп барады?!



Пікірлер (0)

Пікір қалдырыңыз

Ашу

  • 0
  • 0

Елiмнiң бойына
Алапат ашу кiрдi.
Шартылдап сiлкiнген
Жасын кiрдi.

Толық

Інілеріме

  • 0
  • 0

Жақын күндердi бiтiрiп
Алыс күндерге кетiп барамын.
Сендердi сол күндерге
Ертiп барамын.

Толық

Өсекшіге

  • 0
  • 0

Бәрiн де естисiң.
Бәрiн де көресiң.
Естiп, көрмесең –
Өлесiң.

Толық

Қарап көріңіз

Басқа да жазбалар