Тартыс туралы

Білесің,
сені
Өмірдің тартысында
Боксерлер мен штангист,
Палуандар сияқты
Таразыға тартпайды.
Дауылды күнгі
Теңізге кіргендей
Аласапыран тартысқа
Бірден кіріп барасың!
Бір ғана демеу:
Әділдік бар ғой деп
Рухтанасың!
Мұздай қатайып,
Тастай түйіліп,
Қырандай шүйіліп,
Аллаға сиынып
Беттейсің...
Бірақ бәрі- бір
Жеңіске жетпейсің.
Егіліп, сөгілесің—
Жеңсең де, жеңілесің!
Өйткені мен оның
Талайын біліп,
Талайын көріп
Қан жылап жаттым ғой...
Өйткені бүгінде
Әділін айтар
Төреші дегенің
Сатқын ғой!..

---