Қара Жер

Қара Жер астаң-кестең:
Бір жағы бақандасып,
Бір жағын топан басып;
Бір жағын өрт шалып;
Бір жағын
Айықпас дерт шалып;
Қан ағып,
Жан алып,
Атысып,
Шабысып;
Бір жағы босып,
Бір жағы шошып жатқан
Қара Жер астаң-кестең.
Тағдырың талқан болардай
Тағдырын ойласаң
Қара Жер бастан кешкен.
Бүгінде мұң-зары
Еттен өтіп,
Сүйекке жеткендей...
... Ұлы Қара Жер
Құрдымға лағып барады,–
Бойлықтары қиылып,
Ендіктері
Үзііп кеткендей...

---