Доп ойнайтын алаңда

Жуынып алып шықты олар,
Доп ойнайтын алаңға.
Балаға алаң шып толар,
Жақ-жақ боп, доп қағарда.
Допты асырып лақтырар,
Ортада керме тор тұрды.
Қай жағы өнер арттырар,
Доп тосқан самсап қол тұрды.
Екі жақтан қақпаның
Аузында дайын вратарь,
Қай жақтың әдісі артқанын
Судья тұр сынатар.
Біреу шығып бір жақтан,
Әне допты лақтырды.
Деп қақпаға жолатпан
Вратарьлар сақ тұрды.
Сарт еткізіп соққанда,
Аспандап барып доп төмен
Құлдилап келе жатқанда,
Қағысты допты дөп келген.
Ұтыласып доп қақты,
Балалар біраз ойнады.
Ойындарын тоқтатты,
Кешкі астың боп қалғаны.