Тұңғыш борозда

Солтүстіктен суылдап,
Жылы жаққа құс қайтып,
Боз торғайлар шырылдап
Көктем жырын, ұшты, айтып.
Түсіп тұңғыш борозда
Алқабына Аққабақ,
Жыр жолындай қағазда
Жонды сызған тақталап.
Тың сауырын күйдіре
Күн қақтаған түздегі,
Жерге із салған, тілдіре,
Тракторлар тізбегі...
Трактормен тілімдеп,
Жігіт жердің алқабын,
Тіркеушіге күлімдеп
Бұлғап қояд қалпағын...

1954

---