Толқын Қабылша

Көздерімнен күнді өшіргім келмейді

Бұл бетте «Көздерімнен күнді өшіргім келмейді» атты Толқын Қабылша жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

27.04.2020
0
0
2085

Көздерімнен күнді өшіргім келмейді,
Жалт еткен сәт,
жарты әлемді жылытқан.
Жүрегімнен жырды өшіргім келмейді,
Жалынына жан-тәніммен құныққам.

Сенімімді кір шалдырғым келмейді,
Өзегімді өкініштен аршыған.
Қабағыңды мұң шалдырғым келмейді,
Түгесіліп қалса дағы бар шыдам.

Көңіліме күдік алғым келмейді,
Күмән барда,
күмілжу бар, бар күнә…
Үмітімді үзіп алғым келмейді,
Үмітсіздің үрейімен шарқ ұра.

Мен ғұмырды сенсіз кешкім келмейді,
Белгісіздеу бақытының дерегі .
Қабағына бұлттың көшкім келмейді,
Көздеріңде шуақ болғым келеді.

Мен ғұмырды сенсіз кешкім келмейді!

Толқын Қабылша көздерімнен күнді өшіргім келмейді Толқын Қабылша өлеңдері

Пікірлер (0)

Пікір қалдырыңыз

Жиі қойылатын сұрақтар