Өлең, жыр, ақындар

Ленин туралы жыр

  • 07.07.2022
  • 0
  • 0
  • 474
«Аврора» сонау бір кез...
Неваның,
Сарайына патшаның
оқ атқаның,
Білем, еркін аттап алға
ел адым,
Он жетінші жылы
бақыт тапқанын.
Ту қып ұстап халық
Ленин ұранын,
Жастан мен де
Ленин атын жаттадым.
Ленин
туды,
Ай маңдайлы ұлы адам,
Туды ол,—
патша, жандармға бас ұрмай.
Туды ұлы —
Халқы сүйіп қалаған
данышпаны,
жауына ол —
жасындай!
Шын бақыттың бесігі —
орыс анадан
Туған Ленин
өзі бір зор ғасырдай.
Аға орыс халқы
бастап дауылда,
Ұстадық біз —
нарттай қызыл
нұр туды.
Россияға,
деревняға,
ауылға —
Ленинменен
жаңа ғасыр
бір туды.
Біздің халық
жасап жатқан істердің
Жеңісінен —
көрем Ленин бейнесін,
Сезем,
жанған жұлдызынан
СЭС – тердің.
Ұлы Ленин жанарының
сөнбесін!
Білем,
Ленин
Советтік зор күшті елдің
Мызғымастай қалап берген
іргесін!
Өмірге нәр —
сүйгендей сап ауаны,—
біз сүйеміз
Нұрлы Ленинизмді!
Қуатынан
жүрек жолдама
алады,
Ленин жолы ол —
күндей ашар
көзіңді!
Ленин томын
ту ғып ұстап
жоғары,
Сөзін оқып,
сомдай түсем
өзімді.
Бар томдардың маршалындай
үйімде —
Тұр тізіліп
сапта —
Ленин томдары.
Лениннің нақ
өзі айтқан күйінде
өмірге жол ашып
айқын ойлары.
Өмірімде арманым жоқ
менің де
Жырлай білсе Ленинді өлең жолдары.

1955



Пікірлер (0)

Пікір қалдырыңыз

Шаңғышылар

  • 0
  • 0

Аспанның шалқақ айыңдай,
Садақтың иген жағыңдай
Жер жалар төсі иілген
Мұзға жүзіп жүгірген

Толық

Болат балға

  • 0
  • 0

Көк құрыштан болат балға құйылған,
Алғыр алмас тегеуірінді бұрыннан.
Шын еңбектің шым-шым қайнап суына,
Суарылып қорытылған қиыннан.

Толық

Есімде Еділдің көк толқындары

  • 0
  • 0

Сонау кез сәуір шыға Сибирьдегі,
Көктемнің самалын ел сіміргені —
Есімде, Еділдің көк толқындары
Жатты ағып бейне өмірден сыр білгелі.

Толық

Қарап көріңіз