Тайыр Жароков

Кең залында Кремльдің

Қазақша өлең мәтіні, өлең жолдары және толық нұсқасы.

09.07.2022
0
0
609

Коммунист партиясы —
деген атты
Ең құрмет тұтып
бастан ел ұнатты!
Ғасырлар шыңдарынан көктей өтіп
Бастады ол —
алға бүкіл адамзатты.
Езілген елді өрлете тың ғасырға,
Шығарып миллиондарды ірі асуға
Халықтар бақытының
шыңы болған
Бесігі —
бұл партия —
Россия!
Партия,—
ылғи алға басқан қадам,
Күні жоқ жеңіске елін бастамаған!
Өсірген әкем де — сол,
анам да — сол!
Еш уақта,
мені, артқа тастамаған.
Тағы да —
кең залында Кремльдің
Бас қосқан —
коммунистер жүрегінің
Сеземін соғуынан коммунизм
Шыңына жолын сызған
Ұлы елімнің!

1956

Тайыр Жароков кең залында кремльдің Тайыр Жароков өлеңдері

Пікірлер (0)

Пікір қалдырыңыз

Жиі қойылатын сұрақтар